Sığorta
76

Azərbaycanda 5 sığorta şirkətinin aktivləri azalıb

Azərbaycanda 5 sığorta şirkətinin aktivləri azalıb

Azərbaycan Mərkəzi Bankından bu il lisenziya almış “Meqa Həyat Sığorta” və bazara ötən il daxil olmuş "Aqrar Sığorta Müştərək Sığorta Şirkəti" ASC-lər istisna olmaqla, ölkədə fəaliyyət göstərən 18 sığorta şirkətindən 5-nin bu il yanvarın 1-nə aktivləri illik müqayisədə az olub.

“Renkinq” xəbər verir ki, bunlar “PAŞA Həyat Sığorta”, “Atəşgah Sığorta”, “Atasığorta”, “Atəşgah Həyat Sığorta” və “İpək Yolu Sığorta” ASC-lərdir.

Ən çox azalma “İpək Yolu Sığorta”da (57,1%), ən az azalma isə “PAŞA Həyat Sığorta”da (1%) qeydə alınıb.

Qalan 13 sığorta şirkətinin isə aktivləri artıb. Ən yüksək dinamika “Azərsığorta”da (52,5%), ən aşağı dinamika isə “Günay Sığorta”da (3,8%) qeydə alınıb. 

Bölmədən olan bütün xəbərlər