Digər
122

Gürcüstan Milli Bankının builki valyuta satışı 400 milyon dolları ötüb

Gürcüstan Milli Bankının builki valyuta satışı 400 milyon dolları ötüb

Bu ilin əvvəlindən Gürcüstanın Milli Bankı (GMB) valyuta bazarına 409,65 milyon ABŞ dolları məbləğində xarici valyuta çıxarıb.

“Renkinq” xəbər verir ki, bu barədə qurumdan bildirilib. 

Sabah GMB 2020-ci il ərzində 14-cü dəfə valyuta hərracı keçirəcək və sentyabrın 16-da baş tutmuş əvvəlki hərracda olduğu kimi yenə də 40 milyon dollar məbləğində xarici valyuta satacaq. 

Xatırladaq ki, son hərracda Amerika valyutasının orta ölçülmüş məzənnəsi 3,1546 lari təşkil edib. Ümumiyyətlə, son günlər Gürcüstanın milli valyutası olan larinin dollara münasibətdə ucuzlaşması müşahidə edilir. Bugünkü məzənnə 3,2295 lariyə bərabərdir.

Mənbə: REPORT

Bölmədən olan bütün xəbərlər