Qeyri-bankçılıq
97

“Aqrarkredit” BOKT-un aktivləri 7% azalıb

“Aqrarkredit” BOKT-un aktivləri 7% azalıb

“Aqrarkredit” QSC bank olmayan kredit təşkilatının (BOKT) cəmi aktivləri bu il yanvarın 1-nə 12 628,19 milyon manat təşkil edib.

“Renkinq” BOKT-un maliyyə hesabatına istinadən xəbər verir ki, bu, ötən il yanvarın 1-i ilə müqayisədə 6,6% azdır.

“Aqrarkredit”in aktivlərinin 12 243,187 milyon manatlıq hissəsi və yaxud 96,95%-i “Azərbaycan Beynəlxalq Bankı” ASC-dən qəbul edilmiş aktivlərdir. 2019-cu ildə bu rəqəm 4,2% azalıb.

Dövlət BOKT-unun aktivlərinin 76,753 milyon manatı və yaxud 0,6%-i isə müştərilərə verilmiş xalis kreditlərdir. Son 1 ildə maliyyə qurumunun kredit portfeli 4,85% kiçilib.

Hesabat dövründə “Aqrarkredit”in öhdəlikləri 6,6% azalaraq 10 603,177 milyon manata, o cümlədən buraxdığı borc qiymətli kağızlarının dəyəri 24,3% azalaraq 10 178,886 milyon manata düşüb, balans kapitalı isə 7,4% artaraq 25,012 milyon manata çatıb.

Maliyyə qurumu mənfəət-zərər göstəricilərini açıqlamayıb.

Bölmədən olan bütün xəbərlər