Büdcə
145

Nazir: “Bu il DSMF-nin gəlirlərində büdcədən transfertin payı 30%-ə enəcək”

Nazir: “Bu il DSMF-nin gəlirlərində büdcədən transfertin payı 30%-ə enəcək”

“Azərbaycanda əmək münasibətləri sahəsində həyata keçirilən islahatlar məcburi dövlət sosial sığortası və işsizlikdən sığorta üzrə daxilolmalara müsbət təsir edib”.

“Renkinq” xəbər verir ki, bunu iqtisadiyyat naziri Mikayıl Cabbarov keçirdiyi mətbuat konfransında deyib.

“2019-cu ildə məcburi dövlət sosial sığorta haqları üzrə daxilolmalar 26%, işsizlikdən sığorta üzrə daxilolmalar isə 39,1% artıb. Daxilolmaların artımı pensiya sisteminin maliyyə dayanıqlığını gücləndirib və büdcədən transfertin Dövlət Sosial Müdafiə Fondunun (DSMF) gəlirlərindəki payının 2017-cı ildəki 38,1%-dən 2020-ci ildə 29,6%-ə enməsi gözlənilir”, - o qeyd edib.

M.Cabbarov 2020-ci il və ortamüddətli perspektivdə ölkə iqtisadiyyatının qarşısında duran hədəflər barədə də məlumat verib. 

Nazir bildirib ki, qarşıda duran strateji vəzifə ortamüddətli dövrdə iqtisadi artımın dünya üzrə orta iqtisadi artımdan geri qalmamasını təmin etmək, uzunmüddətli dövrdə isə iqtisadi artım tempinin dünya üzrə artımı üstələməsinə nail olmaqdır. Bunun üçün hökumət qarşısında bir sıra hədəflər müəyyən edilib. Bunlar qeyri-neft əmtəə və xidmət ixracının əhəmiyyətli dərəcədə genişləndirilməsi, qeyri-neft emal sənayesinin inkişafının sürətləndirilməsi, biznesin bank kreditlərinə çıxışının genişləndirilməsi, dövlət investisiyalarının iqtisadi səmərəsinin artırılması, özəl investisiyaların dominant rolunun təmin edilməsi, kiçik və orta sahibkarlığın iqtisadi artımın başlıca qüvvəsinə çevrilməsi, şəffaflığın yüksəldilməsi və “kölgə iqtisadiyyatı”nın səviyyəsinin minimuma endirilməsindən ibarətdir.

Bölmədən olan bütün xəbərlər