Bankçılıq
80

Maliyyə Bazarlarına Nəzarət Palatasında ABŞ rəsmiləri ilə görüş keçirilib

Maliyyə Bazarlarına Nəzarət Palatasında ABŞ rəsmiləri ilə görüş keçirilib

Maliyyə Bazarlarına Nəzarət Palatasında (MBNP)ABŞ Dövlət Departamentinin Qafqaz və Regional Konfliktlər Bürosunun direktoru xanım Şeril Fernandes, ABŞ-ın Azərbaycandakı səfirinin müavini Maykl Dikerson və səfirliyin iqtisadi məsələlər üzrə eksperti Peter Kaufmandan ibarət nümayəndə heyəti ilə görüş keçirilib.

“Renkinq” Palataya istinadən xəbər verir ki, görüşdə qarşılıqlı əməkdaşlıq çərçivəsində görülmüş işlərə toxunulub, perspektiv məsələlər müzakirə edilib.

MBNP-nin İdarə Heyətinin sədr əvəzi İbrahim Alışov Prezident İlham Əliyevin rəhbərliyi altında həyata keçirilən kompleks islahatların maliyyə sektorunun sağlamlaşdırılması və maliyyə sabitliyinin təmin olunmasında rolundan bəhs edərək Palatanın yaradılması, həyata keçirilmiş tədbirlər, islahatlar barədə məlumat verib. O, daha sonra, ölkədə maliyyə inklüzivliyinin və KOB subyektlərinin maliyyə əlçatanlığının artırılması istiqamətində Palatanın iştirakı ilə 3 təsisatın–İpoteka və Kredit Zəmanət Fondu, “Azərbaycan Kredit Bürosu” MMC və Daşınar Əmlakın Yüklülüyünün Dövlət Reyestrinin yaradılmasından və bu təsisatların maliyyə sektoruna təsirindən danışıb, statistik göstəriciləridiqqətə çatdırıb.

Bununla yanaşı, Palata və ABŞ-ın müvafiq nəzarət orqanları ilə davam edən əməkdaşlıqdan, qarşılıqlı səfərlər, təcrübə mübadiləsindən bəhs olunub. Xüsusilə vurğulanıb ki, Palatanın əməkdaşları ABŞ-ın maliyyə nəzarəti orqanlarından Əmanətlərin Sığortalanması üzrə Federal Qurum, ABŞ-ın Qiymətli Kağızlar və Birjalar üzrə Kommisiyası, Milli Kredit İttifaqları Administrasiyası və Maliyyə Sektoruna Nəzarət Palatasında görüşlər keçirərək qabaqcıl təcrübə ilə yaxından tanış olublar.

Öz növbəsində, Ş.Fernandes çıxışında İ.Əliyevin iqtibası ilə başlayaraq Azərbaycanda iqtisadi islahatları dəstəkləmək üçün güclü və sabit maliyyə sektorunun əsas dayaq rolu oynadığını qeyd edib. Daha sonra xanım direktor Palatanın maliyyə sektorunda baş verən böhranzamanında yaradıldığına baxmayaraq qısa müddət ərzində çox böyük uğurlar əldə etdiyini vurğulayaraq sektora yönəlmiş islahatların sabitliyin və diversifikasiyanın təmin olunması istiqamətində çox düzgün strategiya olduğunu bildirib. Eyni zamanda, Azərbaycanda bütün istiqamətlərdə nəzərəçarpan irəliləyişlərin qeydə alınmasının və Palata ilə ABŞ-ın nəzarət orqanları arasındasıx əməkdaşlıq əlaqələrinin təmin olunmasının öz ölkəsində müsbət qarşılandığını ifadə edib. Həmçinin, xanım Fernandes Palata və ABŞ-ın maliyyə qurumları arasında bu kimi görüşlərin Vaşinqtonda da təşkil edilməsinin qarşılıqlı əməkdaşlıq baxımından müsbət rol oynayacağını qeyd edib.

Tədbirin davamı olaraq, İ.Alışov Palatanın qarşıya qoyduğu prioritetlərdən, Bazel Konsultativ Qrupuna üzvlükdən, Bazel prinsiplərinin tətbiqi barədə görülmüş və gələcəkdə görüləcək işlərdən danışıb. O, həmçinin bildirib ki, Azərbaycanda ölkə rəhbərliyi tərəfindən aparılan islahatları beynəlxalq təşkilatlar və reytinq agentlikləri müsbət qiymətləndirir. Belə ki, Azərbaycanın maliyyə bazarlarında hal-hazırda özünü biruzə verən pozitiv trendlər Beynəlxalq Valyuta Fondunun (IMF) son hesabatında müsbət qiymətləndirilib, “Fitch”, “Moody’s” və S&P kimi beynəlxalq reytinq agentliklərinin ölkəmiz haqqında göstəricilərində müsbət dinamika müşahidə olunub.Eyni zamanda qürurverici məqam kimi, “Doing Business 2020” hesabatında kredit əlçatanlığı indikatoru üzrə Azərbaycanın 190 ölkə içərisində 1-ci yerdə qərarlaşması vurğulanıb və bununölkə rəhbərliyi tərəfindən maliyyə sektorunda aparılmış islahatlara verilmiş layiqli qiymət olduğu bir daha diqqətə çatdırılıb.

GörüşABŞ-ın müvafiq qurumları ilə Palata arasında əməkdaşlıq perspektivlərininmüzakirəsi şəklində davam edib. 

Bölmədən olan bütün xəbərlər