Bankçılıq
91

“AtaBank” növbəti dəfə hərbçimizin kredit borcunu bağışladı

“AtaBank” növbəti dəfə hərbçimizin kredit borcunu bağışladı

“AtaBank” ASC 26-cı il dönümü ilə bağlı Qarabağ uğrunda gedən aprel döyüşlərində yaralanmış hərbçimizin kredit borcunu bağışlayıb.

Fərzəlizadə Ruslan Zahid oğlu Azərbaycan Respublikasının ərazi bütövlüyünün qorunması uğrunda, düşmən mövqelərinin məhv edilməsində, həmçinin Ağdam ərazisində N-saylı hərbi hissənin xüsusi təyinatlı dəstəsinin kəşfiyyatçısı olaraq iştirak edib və bu zaman sol gözündən və əlindən yaralanıb.

Hərbçimiz “AtaBank”ın Mərkəz filialına dəvət edilib və İdarə Heyəti sədrinin müavini Kamran Orucəliyev və Biznesin İnkişafı departamentinin direktoru Oruc İbrahimovlagörüşüb. Görüş zamanı K.Orucəliyev bildirib: “Torpaqlarımız uğrunda döyüşən, vətən keşiyində duran əsgər və hərbçilərimiz hər zaman dövlətimizin diqqət mərkəzindədir. Lakin ölkənin özəl sektoru da, ələxsus iri şirkətlər və bank kimi maliyyə institutları da müstəqilliyimiz uğrunda canlarını fəda etməyə hazır oğullarımızı və onların doğmalarını unutmamalıdır. Bank olaraq vətənin çətin günlərində düşmənə sinə gərənlərin sosial durumunu nəzərə alıb bacardığımız yardımı əsirgəməməliyik”.

Xatırladaq ki, “AtaBank” bundan öncə də Silahlı Qüvvələr Günü ilə əlaqədar olaraq Qarabağ uğrunda gedən döyüşlərdə yaralanmış hərbçimizin kredit borcunu bağışlayıb.

1993-cü ildən fəaliyyət göstərən “AtaBank” 100% yerli kapitala malik, qabaqcıl texnologiyalı universal Azərbaycan bankıdır. Bank Bakıda və ölkənin müxtəlif regionlarında korporativ və fərdi müştərilərə tam xidmətlər spektrini təqdim edir.

Bölmədən olan bütün xəbərlər