Büdcə
75

Milli Məclis dövlət büdcəsi ilə bağlı qanun layihələrini qəbul edib

Milli Məclis dövlət büdcəsi ilə bağlı qanun layihələrini qəbul edib

Milli Məclisin bu gün keçirilən plenar iclasında "2018-ci ilin dövlət büdcəsinin icrası haqqında" qanun layihəsi müzakirə edilərək III oxunuşda qəbul olunub.

"Renkinq" xəbər verir ki, ötən il büdcənin gəlirləri 22 508 869,7 min manat, xərcləri isə 22 731 644,5 min manat olmaqla təsdiq edilib.

Bu ilin əvvəlinə vahid xəzinə hesabının sərbəst qalığı 872 350 399 min manat olub.

Bundan başqa, Parlament “2019-cu il dövlət büdcəsi haqqında” qanunda dəyişiklik layihəsini müzakirə edərək I oxunuşda qəbul edib. Xatırladaq ki, ölkədə minimum əmək haqqının və pensiyanın artırılması ilə əlaqədar Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun (DSMF) büdcəsinin 200 milyon manat, İşsizlikdən Sığorta Fondunun isə büdcəsinin 15 milyon manat artırılması zərurəti yaranıb. Həmin xərclərin qarşılanması üçün məcburi dövlət sosial sığorta haqları üzrə 350 milyon manat əlavə daxilolma nəzərdə tutulur.

Bununla əlaqədar “Büdcə sistemi haqqında” qanunun tələbləri gözlənilməklə əlavə 2019-cu il üzrə icmal büdcənin xərclərinin yuxarı həddinin 215 milyon manat artırılması, dövlət büdcəsindən DSMF-nin gəlir və xərclərinin balanslaşdırılması üçün Fonda ayrılan vəsaitin 150 milyon manat azaldılması nəzərdə tutulur.

Hər iki qanun layihəsi səsverməyə çıxarılaraq təsdiqlənib.

Mənbə: REPORT

Bölmədən olan bütün xəbərlər