Bankçılıq
402

“AGBank” müflislik həddindən çıxa bilməyib

“AGBank” müflislik həddindən çıxa bilməyib

2017-ci ilin yekununda olduğu kimi, 2018-ci ilin yekununda da “AGBank” ASC müflislik həddində olub.

“Renkinq” bu barədə Bankın audit hesabatına istinadən xəbər verir.

Sənədə əsasən, bu ilin əvvəlinə “AGBank”ın aktivləri 414,986 milyon manat, öhdəlikləri isə 443,779 milyon manat təşkil edib. Öhdəliklər aktivləri üstələdiyi üçün Bankın balans kapitalında 28,793 milyon manatlıq çatışmazlıq olub. Bu, 1 il əvvəllə müqayisədə 14 min manat azdır.

Xatırladaq ki, ötən ilin əvvəlinə “AGBank”ın aktivləri 411,605 milyon manat, öhdəlikləri isə 440,412 milyon manat təşkil edib. Son nəticədə Bankın balans kapitalında 28,807 milyon manatlıq çatışmazlıq olub.

Maraqlıdır ki, “AGBank”ın auditdən keçməmiş maliyyə hesabatlarında Bankın kapitalla bağlı probleminin olmadığı bildirilir. Belə ki, kredit təşkilatı 2018-ci ilin yekununda 52,054 milyon manatlıq, 2017-ci ilin yekununda isə 47,174 milyon manatlıq balans kapitalına malik olduğunu bəyan edib. 

Mənbə: REPORT

Bölmədən olan bütün xəbərlər