Bankçılıq
286

Azərbaycanda 4 bankın xüsusi ehtiyatların yaradılmasına ayırdığı vəsait artıb

Azərbaycanda 4 bankın xüsusi ehtiyatların yaradılmasına ayırdığı vəsait artıb

Azərbaycanda  fəaliyyət göstərən 30 bankdan 4-nün bu ilin yanvar-mart aylarında xüsusi ehtiyatların yaradılmasına ayırdığı vəsait ötən ilin eyni dövrü ilə müqayisədə çox olub.

"Renkinq" xəbər verir ki, bunlar "Muğan Bank", "Bank Respublika", "Zıraat Bank Azərbaycan" və "AFB Bank"dır. Ən yüksək dinamika "Muğan Bank"da (7,2 dəfə), ən aşağı dinamika isə "AFB Bank"da (64,7%) qeydə alınıb.

7 bankın - "Yapı Kredi Bank Azərbaycan", "Nikoyl Bank", "Xalq Bank", "Kapital Bank", "Günay Bank", "Naxçıvan Bank" və "PAŞA Bank"ın isə xüsusi ehtiyatların yaradılmasına ayırdığı vəsaitin məbləği azalıb. Ən çox azalma "PAŞA Bank"da (96,4%), ən az azalma isə " Yapı Kredi Bank Azərbaycan "da (21,7%) baş verib.

4 bank - "Azərbaycan Beynəlxalq Bankı", "Unibank", Pakistan  Milli Bankının Bakı filialı və "Premium Bank" isə xüsusi ehtiyatlar üzrə qənaətinin məbləğini müvafiq olaraq 29,8%, 36%, 60% və 96,3% azaldıb.

5 bank - "AGBank", "Amrah Bank", "Atabank", "Rabitəbank" və "Turan Bank" bu ilin I rübündə xüsusi ehtiyatların yaradılmasına vəsait ayırmayıb, ötən ilin I rübündə isə ayırıb, 10 bank - "Access Bank", "Azərbaycan Sənaye Bankı", "Azər-Türk Bank", "Bank Avrasiya", "Bank BTB", "Bank of Baku", "Bank VTB Azərbaycan", "Express Bank", İran Milli Bankının Bakı filialı və "NBC Bank" isə bu ilin yanvar-mart aylarında xüsusi ehtiyatların yaradılmasına vəsait ayırıb, ötən ilin yanvar-mart aylarında isə ayırmayıb. Odur ki, bu bankların maliyyə göstəricilərinin dinamikasına hesablamaq mümkün olmayıb.

Bölmədən olan bütün xəbərlər