Büdcə
203
AİB Azərbaycanda iqtisadi artıma dair proqnozlarını azaldıb
Bakı / 20.09.2023 / Renkinq:
Asiya İnkişaf Bankı (AİB) bu il Azərbaycanda ümumi daxili məhsulun (ÜDM) ötən illə müqayisədə 2,2% çox olacağını proqnozlaşdırır.
“Renkinq” xəbər verir ki, bu barədə Bankın “Asian Development Outlook” hesabatının yenilənmiş sentyabr sayında bildirilir.
Sənədə əsasən, bu, AİB-nin aprel proqnozu ilə müqayisədə 1,3 faiz bəndi azdır.
Bank gələn il isə Azərbaycanda 2,6% iqtisadi artım gözləyir ki, bu da əvvəlki proqnoza nisbətən 1,2 faiz bəndi azdır.
AİB ümumilikdə Qafqaz və Mərkəzi Asiya regionu iqtisadiyyatının isə bu il 4,6% (əvvəlki proqnoza nisbətən 0,2 faiz bəndi çox), gələn il isə 4,7% (0,1 faiz bəndi çox) böyüyəcəyini proqnozlaşdırır.
Mənbə: REPORT
