Sığorta
181
Azərbaycanda həyat sığortası 34%, qeyri-həyat sığortası isə 27% artıb
Bu ilin yanvar-aprel aylarında Azərbaycanda həyat sığortası növlərinin hesabına 235,807 milyon manat sığorta haqqı toplanılıb.
“Renkinq” Azərbaycan Mərkəzi Bankına istinadən xəbər verir ki, bu, ötən ilin eyni dövrünə nisbətən 33,5% çoxdur.
Ötən 4 ayda qeyri-həyat sığortası növlərinin hesabına daxilolmalar isə 231,724 milyon manat təşkil edib. Bu isə illik müqayisədə 27,2% çoxdur.
Hesabat dövründə həyat sığortası növləri üzrə ödənişlər 2,3 dəfə artaraq 72,19 milyon manata çatıb, qeyri-həyat sığortası növləri üzrə ödənişlər isə 0,8% artaraq 62,412 milyon manata çatıb.
Beləliklə, bu ilin yanvar-aprel aylarında həyat sığortası bazarında toplanmış hər 100 manat sığorta haqqının 30,6 manatı, qeyri-həyat sığortası bazarında toplanmış hər 100 manat sığorta haqqının isə 26,9 manatı müştərilərə geri ödənilib. Bu rəqəmlər ötən ilin eyni dövründə müvafiq olaraq 17,9 manat və 34 manat olub.
