Sığorta
168
İcbari Sığorta Bürosu avtomobilini 10% endirimlə təkrar hərraca çıxarır
Bakı / 15.03.2023 / Renkinq:
Martın 29-da, saat 10:00-da “Əmlak Hərrac Mərkəzi” MMC-də İcbari Sığorta Bürosuna (İSB) məxsus daşınar əmlak 10% endirimlə təkrar hərraca çıxarılacaq.
“Renkinq” bu barədə İSB-yə istinadən xəbər verir.
Məlumata görə, söhbət “Lexus GS250” markalı minik avtomobilindən gedir. Onun ilkin hərrac qiyməti 42 500 manat, təkrar hərrac qiyməti isə 38 250 manat təşkil edir. Bunun isə 5%-i, yəni 1 912 manat beh kimi hərrac sifarişçisinin, əlavə olaraq 500 manat iştirak haqqı isə hərrac təşkilatçısının hesabına ödənilməlidir. Ödənişlər hərracın təyin edildiyi tarixə bir iş günü qalana qədər həyata keçirilməlidir.
