Bankçılıq
164

“Bank VTB Azərbaycan” “Qalaalti trail” cığır qaçışı üzrə yarışı dəstəklədi

“Bank VTB Azərbaycan” “Qalaalti trail” cığır qaçışı üzrə yarışı dəstəklədi

“Bank VTB Azərbaycan” ASC Şabran rayonunun Qalaaltı kəndində keçirilən “Qalaalti trail” yarışının rəsmi tərəfdaşı kimi çıxış edib. İştirakçılar qədim Çıraq Qala qalasının yaxınlığındakı meşədən keçən marşrutu qət ediblər.

Yarışda həm təcrübəli qaçışçılar, həm də yeni başlayan trailrunnerlər də daxil olmaqla 180 idmançı iştirak edib. Yarış seçimlə iki məsafədə - 10 və 20 kilometr məsafədə keçirilib.

“Bank VTB Azərbaycan” əhali üçün sağlam həyat tərzini formalaşdıran idman tədbirlərini dəstəkləməyi öz missiyalarından biri hesab edir. Ölkə üçün cığır qaçışı gənc idman növüdür, ona görə də biz onun inkişafına və populyarlaşmasına töhfə verməkdən məmnunuq. Keçən il bank “Qızıl payız” və “Running Flamingo” trail qaçış yarışlarını, səmti müəyyən etmə turnirini və dağ idman klubunun açıq çempionatını maliyyələşdirib. Bu il biz, Milli Atletika Federasiyasına həvəskarlar üçün növbəti yarışın keçirilməsində dəstək vermişik. Biz gözləyirik ki, hər il respublikada belə tədbirlərin sayı artacaq, Azərbaycana nəinki yeni idmançılar həm də turistlər cəlb edəcək”, - deyə “Bank VTB Azərbaycan”ın İdarə Heyətinin sədri İqor Okaev bildirib.

“Bank VTB Azərbaycan” ölkədə müxtəlif səviyyələrdə idman layihələrini fəal şəkildə dəstəkləyir. Bank bu ilin əvvəlində Basketbol Federasiyası ilə 1 illik müqavilə imzalayaraq Azərbaycan Basketbol Liqasının rəsmi sponsoru olub. Yayda bank “VTB Azərbaycan Kuboku” uşaq futbol turnirinin təşkilatçısı kimi çıxış edib.

Cığır qaçışı təbii ərazidə sərbəst sürətlə və yaxud yarışın bir hissəsi kimi qaçışı əhatə edən idman intizamıdır. Kros və dağ qaçışı elementləri daxildir. Kross qaçışından əsas fərq landşaftdadır: cığırla qaçmaq üçün adətən təpələr və hətta dağlar (hündürlük fərqi min metrdən çox ola bilər), həmçinin səhralar və sıx meşələr seçilir.

Bölmədən olan bütün xəbərlər