İnvestisiya
727

“Kəpəz” BOKT-un istiqrazlarına 1 investor maraq göstərib

“Kəpəz” BOKT-un istiqrazlarına 1 investor maraq göstərib

Bu gün "Bakı Fond Birjası" QSC-də (BFB) “Kəpəz” MMC bank olmayan kredit təşkilatının (BOKT) 1 milyon manatlıq faizli, təmin edilməmiş, sənədsiz, adlı istiqrazlarının yerləşdirilməsi üzrə hərrac keçirilib.

“Renkinq” BFB-yə istinadən xəbər verir ki, hərraca hər birinin nominal dəyəri 1 000 manat olan 1 000 ədəd istiqraz çıxarılıb.

Qiymətli kağızlar standart bazar seqmentində, birqiymətli hərrac üsulu ilə investorlara təklif olunub.

İstiqrazlara 1 investor qiyməti 1 000 manat (16%), ümumi məbləği isə 1 milyon manat olan 1 sifariş təqdim edib. Beləliklə, yerləşdirmə tam baş tutub.

Qiymətli kağızlar 4 il tədavüldə olacaq. Onların illik gəlirliliyi 16%-dir. Faizlər aylıq ödəniləcək. Prosesin anderrayteri “AzFinance İnvestisiya Şirkəti” QSC-dir.

Bölmədən olan bütün xəbərlər