Bankçılıq
156

Azərbaycanın bank sektorunun aktivləri 22% artıb

Azərbaycanın bank sektorunun aktivləri 22% artıb

Bu il iyunun 1-nə Azərbaycanın bank sektorunun aktivləri 41 371,5 milyon manat təşkil edib.

“Renkinq” Azərbaycan Mərkəzi Bankına istinadən xəbər verir ki, bu, ötən il iyunun 1-i ilə müqayisədə 22,4% çoxdur.

Bankların aktivlərinin 16 884,8 milyon manatını müştərilərə verilmiş xalis kreditlər təşkil edib. Son 1 ildə sektorun kredit portfeli 25,1% böyüyüb, kreditlərin aktivlərdəki payı isə 39,9%-dən 40,8%-ə yüksəlib.

Hesabat dövründə bank sektorunun öhdəlikləri 24,9% artaraq 36 293 milyon manata, o cümlədən depozit portfeli 34,8% artaraq 29 737,6 milyon manata çatıb. Bunun 10 389 milyon manatı fiziki, 19 348,6 milyon manatı isə hüquqi şəxslərin depozitləridir. İl ərzində əhalinin banklardakı vəsaitləri 22,5%, şirkətlərin banklardakı vəsaitləri isə 42,4% artıb.

Son 1 ildə bankların Mərkəzi Bank qarşısında öhdəliyi isə 21,7% azalaraq 290,9 milyon manat olub.

Sektorun balans kapitalı isə 6,9% artaraq 5 078,5 milyon manat təşkil edib.

Bölmədən olan bütün xəbərlər