Bankçılıq
196

“Qırmızı ürəklər”in saytı təqdim edildi

“Qırmızı ürəklər”in saytı təqdim edildi

“Qırmızı ürəklər” (“Red Hearts”) Xeyriyyə Fondunun internet səhifəsi təqdim edilib. Artıq https://redhearts.az/ saytına daxil olmaqla fondun fəaliyyəti, gördüyü xeyirxah işlər, gələcək planları və digər maraqlı məlumatları əldə etmək olar.

Xeyriyyə işlərinə ianə etmək istəyənlər vəsaiti sayt vasitəsilə, heç yerə getmədən onlayn formada fondun hesabına köçürə bilərlər. Bundan başqa sayt vasitəsilə fondun əməkdaşlarına müraciət ünvanlamaq mümkündür. Saytda şəffaflığı təmin etmək üçün statistik məlumatlar dərc olunur: toplanılan məbləğ, həyata keçirilən kampaniyaların sayı, ianə edən fiziki və hüquqi şəxslərin, yardım edilən insanların, “Qırmızı ürəklər” könüllülərinin sayı və s.

Sayt təqdim olunarkən fond yeni yardım aksiyasına başlayıb. 4 oktyabr – Ümumdünya heyvanların mühafizəsi günü ərəfəsində “Pəncəli ürəklər” adlı aksiya çərçivəsində toplanılan ianələr şəhərin sahibsiz heyvanlarının qida və müalicə ehtiyaclarının qarşılanmasına yönəldiləcək. Əgər siz də bu xeyirxah təşəbbüsə vəsait ayıraraq töhfə vermək istəyirsinizsə, https://redhearts.az/ saytına daxil olub ianə edə bilərsiniz.

“Qırmızı ürəklər” 2019-cu ildə “Kapital Bank” ASC-nin könüllü əməkdaşlarının təşəbbüsü ilə yaradılıb. Hazırda Xeyriyyə Fondu kimi fəaliyyətini davam edən təşkilat, əsasən uşaq evlərinə, sığınacaqlara və digər ehtiyacı olanlara yardımlar edir.

Bölmədən olan bütün xəbərlər